மாயக்கண்ணாடி - 22/11/2011

அடிக்கடி என் மாயக்கண்ணாடிக்குள் பாருங்கள், நிறைய விஷயங்களை சொல்லும்.

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

20 படிகள் ஒன்றாக ஏறினால் மூச்சிறைக்கும் எனக்கெல்லாம் இந்தப் பாட்டியைப் பார்த்தால் பெருமூச்சு தான் விட முடியும். 91 வயதாகும் இந்தப் பாட்டி தான் உலகிலேயே வயது கூடிய யோகா பயிற்றுனர். Floridaல் இருக்கிறராம். பெயர் Bernice Bates. 1960ம் ஆண்டிலிருந்து யோகாசனம் செய்கிறாராம். இப்போதும் வாரம் ஒரு முறை வகுப்புகள் நடத்துகிறார். தன் சாதணையை யாரேனும் முறியடித்தால் மிகவும் மகிழ்ச்சியடைவேன் என்று போட்டுத் தாக்கியிருக்கிறார். அந்தம்மாவிற்குத் தெரியும் யாரும் கிட்ட நெருங்கக்கூட முடியாதுன்னு...

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

ஒரு ஜட்டிக்குள் எத்தனை பேர் போகலாம்? கேட்கவே ஒரு மாதிரி இருக்கில்லெ.. ஆனால் இது ஒரு கின்னஸ் சாதனை. லண்டனில் இருக்கும் உயரமான கட்டடம் ஆன கேனரி வார்ஃப் (Canary Wharf) முன்னால் தங்கள் உள்ளாடைகளோடு நின்ற 50 பேர் ஒரே ஜட்டிக்குள் போய் சாதணை புரிந்துள்ளனர். எல்லோரும் ஜோரா ஒரு முறை கைதட்டுங்கள்.

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Peppa Middletonஐ யாரும் மறந்திருக்கமாட்டீர்கள். கேட் வில்லியம் திருமணத்திற்கு பின் அக்காவை விட தங்கை பெப்பாவைத் தான் papparaziகள் துறத்துகிறார்கள். இது ராஜ குடும்பத்தைச் சேர்ந்தவர்களுக்கு கலக்கத்தக் கொடுக்கிறது என்று செய்திகள் வெளிவருகிறது. இதற்கு Diana-esque என்று பெயர் வைத்திருக்கிறார்கள். அதுவும் அவர் நீண்ட நாள் காதலரான Alex Loudon உடனான பிரிவின் இது அதிகரித்துள்ளது. இங்கு இருப்பவர்களுக்கு பெப்பா பற்றி கவலையில்லை. அமெரிக்கர்களுக்குத் தான் பெப்பாவைப் பற்றி அறிய ஆவல் என்று தாங்களே சப்புக்கட்டிக் கொண்டிருக்கிறார்கள்.

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

70களில் ஐக்கியராஜ்ஜியம் முழுதும் உள்ள பெட்டிக்கடைகள் மளிகைக்கடைகள் எல்லாம் தெற்காசியர்களால் வாங்கப்பட்டுக் கொண்டிருந்த நேரத்தில் ஆரம்பிக்கப்பட்ட்து தான் Asian Trader என்ற பத்திரிக்கை. இவர்கள் ஒவ்வொரு ஆண்டும் சிறந்த பொருட்கள், விநியோகஸ்தர், கடை முதலாளிகள் என்பவர்களுக்கு விருதுகள் வழங்கி வருகின்றனர். இந்த ஆண்டின் Editor's Choice Awardஐ பெற்றது ஒரு தமிழர், இலங்கையைப் பிறப்பிடமாகக் கொண்டவர். சிவா கந்தையாவாகிய இவரின் மினி சுப்பர் மார்க்கேட் லண்டன் கலவரத்தின் போது சூரையாடப்பட்டு எரிக்கப் பட்டது. அதிலிருந்து மீண்டு தன் வியாபாரத்தை மீண்டும் சிறப்பாக நடத்திக் கொண்டிருந்தமைக்காக இவருக்கு இந்த விருது வழங்கப்பட்டது. தமிழர்களை வெட்ட வெட்ட மீண்டும் மீண்டும் தழைப்பார்கள் என்பது இவர்களுக்குத் தெரிந்திருக்கவில்லை.

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

உருமி திரைப்படத்தில் வரும் இந்தப் பாட்டை நேற்றுத் தான் கேட்டேன். அதன் பின் எத்தனை முறை கேட்டேன் என்று எனக்கே எண்ணிக்கை மறந்துவிட்டது.

ஷ்ரேயா கோஷல் குரலென்றால் எனக்கு உயிர். ஆனால் ஒரு பெண்ணை வர்ணிக்கும் பாடலை இந்தளவு நான் ரசிப்பென் என்று நினைக்கவில்லை. பாடலைக் கேட்டவுடனேயே கவிதை வரிகளுக்குள் தொலைந்துவிட்டேன். பின் தேடிய போது தான் வைரமுத்து எழுதியது என்று அறிந்தேன். “முன்னழகு மதயானை, பின்னழகு மதுப்பானை” விரசமில்லாமல் ஆயிரம் ஆயிரம் அர்த்தங்கள்... நீங்களும் மயங்குங்களேன்....

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::;