IQ அதிகமாக...?

பலரும் IQ, IQன்னு பேசிக்கிறாங்களே அப்படின்னா என்னனு யோசித்து பார்த்திருக்கிறீர்களா? IQ அதிகமாக...?

IQ - Intelligent Quotient - Intelligence அதாவது புத்திசாலித்தனத்தை அளவிடும் சோதணைகளில் ஒருவருக்குக் கிடைக்கக்கூடிய சார்புப் புள்ளிகளேயாகும். அவரவர் வயதிற்கு ஏற்ப இறுதி மதிப்பெண்கள் வழங்கப்படும். இதை வைத்துக் கொண்டு 3 வயது சிறுமியையும் 45 வயது மனிதரையும் ஒப்பிடலாம். சராசரி மனிதர்களுக்கு IQ 100 என்று மதிக்கப்படுகிறது. அதனால் 100ஐ விட அதிகமாக IQ உள்ளவர்கள் சராசரியானவர்களை விட அதிக மூளைத் திறன் உடையவர்கள் என்றும் 100ஐ விட குறைவாக மதிப்புகள் எடுப்பவர்கள் சராசரியை விட குறைவான மூளைத் திறன் படைத்தவர்கள் என்றும் சொல்லப்படுகிறது. 130ற்கு மேல் IQ உடையவர்கள் அருட்பெற்றவர்கள் (giftedன் நேரடித் தமிழ் பெயர்ப்பு) என்றும் 70ற்கு குறைவாக உடையவர்கள் மன வளர்ச்சி குன்றியவர்கள் என்றும் கருதப்படுகிறது.

Mr. Lewis Terman என்ற மனோதத்துவ நிபுனர் 1916ம் ஆண்டு IQ என்பதைப் பற்றி முதலாவதாகப் பேசி அந்த சொற்பிரயோகத்தையும் கொண்டு வந்தார். அவருடைய கணிப்புகள் தான் தற்காலத்திலும் பயன் படுத்தப்படுகிறது. அவர் சொல்கிறார்...

IQ of Over 140 - Genius or near genius
IQ of 120 to 140 - Highly intelligent
IQ of 110 to 119 - Very intelligent
IQ of 90 to 109 -  Normal or average intelligence
IQ of 80 to 89 - Dullness
IQ Rating of 70-79 - Borderline deficiency
IQ Ratings Under70 - Definite feeble-mindedness

IQ அதிகமாக அதிகமாக அவர்கள் சுற்றியிருக்கும் உலகத்தினை விட்டு விளகும் தன்மை அதிகரிக்கிறது. மற்றவர்கள் தங்களைப் பற்றி என்ன நினைக்கிறார்கள் என்பதையோ அவர்கள் தரும் புகழாரமோ முகஸ்துதியோ அவர்களுக்குத் தேவைப்படுவதில்லை. இப்படி மற்றவர்களைப் பற்றி பெரிதாக அலட்டிக் கொள்ளாததால் இவர்களுக்கு Social Life பெரிதாக இருக்காது.  (எந்திரன் படத்தில் வரும் விஞ்ஞானி ரஜனியின் கதாப்பாத்திரத்தை நினைத்துப் பாருங்கள்.) இவர்கள் எதைப் பற்றியும் என்ன நினைக்கிறார்களோ அதை வெளிப்படையாக பேசிவிடுவார்கள். முக்கியமாக தங்கள் நம்பிக்கைகளுக்கும் கோட்பாடுகளுக்கும் புரம்பான கருத்துகள் முன் வைக்கப்படும் போது ஆக்ரோஷமாக எதிர்ப்பார்கள். They are born perfectionists (for what they care about). உயர் IQ உடையவர்கள் பெரிய விஷயங்களில் மூளையைப் போட்டு கசக்கிக் கொண்டிருப்பதால் அன்றாட வாழ்க்கையில் ஞாபக மறதி அதிகமாக இருக்கும். அவர்கள் எந்த ஒரு துறையிலும் ஆர்வமாக இறங்கினால் அதன் ஆதி அந்தம் காணாமல் ஓய மாட்டார்கள்.

பாடசாலைக்ளிலேயே இவர்களின் பிரச்சிணை ஆரம்பித்து விட்டது. வேகமாக பாடங்களைக் கிறகித்து விடுவதால் ஆசிரியர்கள் மெதுவாகப் போகும் போது போர் அடித்துப் போய் ஒன்று எடக்குமுடக்காய் கேள்வி கேட்பார்கள் அல்லது ஏதாவது சில்மிஷம் செய்து திட்டு வாங்குவார்கள்.

DNA மாத்திரம் இல்லை, சூழல் காரணிகளும் ஒருவரின் மூளையின் செயல் திறனைப் பாதிக்கும். குழந்தைகளுக்கு சரியான உணவு கிடைக்காமல் உடல் வளர்ச்சி குன்றிப் போய் அதனால் அவன் செயல்திறன் குறைவதைச்  சொல்லலாம். அதனால் தான் படித்த அறிவாளிப் பெற்றோர்களின் குழந்தைகளும் உயர் செயல்திறனுடன் இருக்கும் சாத்தியங்கள் அதிகமாக உள்ளது. அவர்கள் சிறு வயதில் இருந்தே அவனைத் தூண்டி பல விடயங்களில் ஆர்வத்தை தூண்டுகிறார்கள். ஆனால் DNAல் தான் உயர் IQ அதிகமாக தங்கியிருப்பதாக சொல்லப்படுகிறது.

IQக்கும் படிப்பிற்கும் எந்த வித சம்மந்தமும் இல்லை. எனக்குத் தெரிந்த 2 மாணவிகள் இருந்தார்கள். ஒருத்திக்கு உயர் IQ. பாடசாலை முடிந்து வீடு வந்தால் புத்தகம் தூக்கமாட்டாள். மற்றவளுக்கு பாடசாலையில் உடனே விளங்காவிட்டாலும் விடியற்காலையில் எழுந்து பாடங்களைப் மனனம் செய்து விடுவாள். இறுதிப் பரீட்சையில் இருவரும் சிறப்பாக ஒரே மதிப்பெண் பெற்றனர். வராது என்று விடாமல் முயற்சி எடுக்கும் எல்லோருமே வெற்றி பெருவார்கள். என்ன  high IQ இருப்பவர்கள் கொஞ்சம் எளிதாக அதை அடந்து விடுவார்கள். உயர் IQக்கும் அவர்கள் கல்வித் தகமைக்கும் எந்த சம்பந்தமும் இல்லை என்பதை அறிந்துகொள்ளுங்கள். வசதி வாய்ப்பு, வாழும் சூழ் நிலை, எடுக்கும் முயற்சி என்பவற்றைப் பொறுத்துத் தான் ஒருவரின் கல்வி அமையும்.

இப்படி நல்லதும் கெட்டதும் கொடுக்கும் உயர் IQ உடைய நபர்களுக்கென்று 1946ம் ஆண்டு Roland Berrill, Dr. Lance Ware என்ற சட்டத்தரணிகள் இணைந்து ஒரு அமைப்பை உருவாக்கினார்கள். இதில் Dr. Ware ஒரு விஞ்ஞானியும் கூட. உலகின் IQ அள்வீட்டில் முதல் 2%ற்குள் வரும் நபர்களை இதில் அங்கத்தவர்களாக சேர்த்துக் கொண்டனர். இதன் மூலம் இப்படியான நபர்கள் ஒன்று கூடி தங்கள் அறிவாற்றலைப் பகிர்ந்து கொள்ளலாம் என்று நினைத்தனர். இன்றும் இந்தக் கழகம் வெற்றிகரமாக இயங்கிவருகிறது. Truck driverல் இருந்து நாட்டின் பெரிய விஞ்ஞானி வரை அங்கத்தவர்களாக உள்ளனர். இரண்டரை வயதுப் பெண்ணில் இருந்து 105 வயதுப் பெண் வரை அங்கத்தவர்களாக உள்ளனர். வயது, இன, மொழி, பால் பேதம் இல்லை. 140ற்கு மேல் IQ உள்ளவர்களைத் தான் அங்கத்தவர் ஆக்குவார்கள். MENSA Member என்றாலே அவர் புத்திஜீவி என்பது விளங்கிவிடும்.

இப்படித் தான் இருந்தேன்..

அதெல்லாம் சரி... ஷர்மி அக்கா ஏன் திடீரென்று IQ, MENSA என்றெல்லாம் அளக்கிறாரே என்று பார்க்கிறீர்களா? எல்லாம் ஒரு தற்பெருமை தானுங்கோ..

சென்ற வாரம் என் IQ சோதிக்கப்பட்டு என்னையும் MENSA அங்கத்தவர் ஆக்கிடாய்ங்கோ.... அன்று முழுதும் நெஞ்சு முட்டிய பெருமை. என் அப்பா அம்மாவிற்குத் தான் எல்லாப் புகழும் பெருமையும் சமர்ப்பணம்.

ராதாஜெயலக்‌ஷ்மி விஜயராஜா தம்பதியினர்
அம்மா அப்பா

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

ஐம்பதாவது இடுகை இது. எனக்கு நானே பேசிக் கொண்டிருந்தவள் நான். இந்தத் தளத்தின் மூலம் உங்கள் எல்லோரோடும் பேச வாய்ப்புக் கிடைத்ததில் மிகவும் மகிழ்ச்சியடைகிறேன். இதற்கு நான் என் தோழி சுகிக்குத் தான் நன்றி சொல்ல வேண்டும். நான் 2007ம் ஆண்டே bloggerல் இணைந்துவிட்டேன். ஆனால் எதுவும் எழுதவில்லை. என்னை உற்சாகப்படுத்தி இந்த வலைத் தளத்தை மெருகூட்டியது அவள் தான். நன்றி சுகுணா.