மாயக்கண்ணாடி - 21/10/11

அடிக்கடி என் மாயக்கண்ணாடிக்குள் பாருங்கள், நிறைய விஷயங்களை சொல்லும்.

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

இங்கிலாந்தின் நார்தம்ப்டன் நகரில் இரவு நேர களியாட்ட கிளப் ஒன்றில் கூட்டம் அலை மோதிக்கொண்டிருந்த வேளையில் யாரோ வீணர்கள் விளையாட்டுத் தனமாக நெருப்பு எச்சரிக்கை மணியை அழுத்தவும்  அறை குறை மப்பிலும் முழு மயக்கத்தில் இருந்த் 1000ற்கும் மேற்பட்டவர்கள் ஒரு சிறு படிக்கட்டு வழியாக வெளியேர முண்டியடித்ததில் கீழே படத்தில் காணப்படும் 22 வயது பல்கலைக்கழக மாணவி நபிலா மிதி பட்டு இறந்துள்ளார். இன்னும் 2 மாணவிகள் கவலைக்குரிய நிலையில் இருப்பதாக போலீசார் அறிவித்துள்ளனர். விசாரணைகள் தொடர்வதாக சொல்லப்படுகிறது. எனக்கென்ன குழப்பமென்றால் இப்படியான சிறிய இடத்தில் 1000ற்கும் மேற்பட்டவர்கள் குழுமி எப்படி மூச்செடுத்திருப்பார்கள் என்றுதான்?

படத்தைப் பாருங்கள் கிழே இருப்பவர்கள் மிதி பட்டுக் கொண்டிருக்கிறார்கள் என்று கூடத் தெரியாமல் மேலே இருந்து சிலதுகள் சிரித்துக் கொண்டு இருக்கிறார்கள்...

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

பொதுவாகவே தன்னுடைய பெரிய கால்களுக்கு காலணிகள் வாங்க கஷ்டப்பட்டுக் கொண்டிருந்திருக்கிறார் Tom Boddingham. இதனால் ஒரு கம்பனியிடம் வீட்டிற்குள் அணியும் செருப்புகளுக்கு ஆர்டர் கொடுத்துள்ளார். அந்தக் கம்பனி Hongkongல் இருக்கும் தொழிற்சாலைக்கு அதை அனுப்பியிருந்தார்கள். அங்கிருந்த ஊழியர்கள் 14.50 என்ற அளவில் புள்ளியைக் கவனிக்காமல் விட்டு விட்டு 1450 என்ற அளவில் செருப்பு அனுப்பியிருக்கிறார்கள். செருப்பின் நீளம் மட்டும் 7 அடி. ஒரு மனிதர் தாரளமாக உள்ளே படுத்துக் கொள்ளலாம். இப்போது கேட்டால் தொழிற்சாலையில் சொல்கிறார்கள் “நாங்கள் ஷோ எதற்கோ பயன்படுத்தப் போகிறார்கள் என்று நினைத்தோம்” என்று. Tom இதை கின்னசிற்கு அனுப்பியிருக்கிறாராம். அவர் கால் அளவைப் பற்றியா அல்லது செருப்பைப் பற்றிய என்று குழம்பிப் போயுள்ளேன்...

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

"சமுதாயம் எனும் கடை வீதி தன்னில் சம நீதி என்ன விலையோ?" இந்த வரிகள் என்னை மிகவும் பாதித்தது. சம நீதி என்பது ஆணுக்கும் பெண்ணுக்கும் இடையில் மாத்திரம் என்றில்ல. ஏழை - பணக்காரன், உயர் சாதி - தாழ் சாதி என்று எல்லாவற்றிலுமே சமநீதி வெண்டும். ஆனால் இன்று வரையில் கூட சமுதாயத்தில் அப்படியென்றால் என்ன விலை என்று கேட்பவர்கள் தான் இருக்கிறார்கள். சித்திராவின் குரலில் இந்தப் பாட்டு உங்களைத் தாலாட்டும்.

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::