மாயக்கண்ணாடி - 01/10/2011

அடிக்கடி என் மாயக்கண்ணாடிக்குள் பாருங்கள், நிறைய விஷயங்களை சொல்லும்.

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

உங்களுக்கு Tom & Jerry, Garfield போன்ற பூனைகளைப் பிடிக்குமா ? அப்படியென்றால் இந்த சைமனின் பூனையையும் பிடிக்கும். பல ஆண்டுகளாக You Tubeஐ கலக்கிவருகிறது. அதிகமாக பார்வையிடப்பட்ட வீடியோக்கள் லிஸ்ட்டில் எப்போதும் இருக்கும்.

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

பல்டின்னு கேள்விப் பட்டிருப்பீர்கள். ஆனால் அந்தர் பல்டின்னு கேள்விப்பட்டிருக்கிறீர்களா... அது இது தான். Paul Melor என்ற அயர்லாந்து ராணுவத்தைச் சேர்ந்த அதிகாரி ஒருவர் அல் கொய்தா இயக்கத்தின் பிரதான ஆள் சேர்ப்பு வேலை செய்யும் அன்செம் சௌத்ரி என்பவனின் சீடனாக மாறி தன்னை மதம் மாற்றிக் கொண்டு பெயரையும் அபு ஜிப்ரீல் என மாற்றி இருக்கிறார். Muslims Against Crusades (MAC) organisationன் முக்கிய உறுப்பினர்களில் ஒருவர். ராணியின் வீரணான நான் இப்போது அல்லாவின் வீரன் என்று மார் தட்டுகிறார். ஒசமா பின்லேடன் இறந்தாலும் அவரைப் போன்ற பல பேர் உருவாகுவார்கள் என்கிறார் இவர். எல்லாத்திற்கும் மேலாக ஐக்கிய ராஜ்ஜியத்தில் அல்லாவின்      ஆட்சியைக் கொண்டு வருவது தான் தன் இலட்சியம் என்கிறார். இவ்வளவு பேசுபவரின் பின் கழுத்தில் இங்கிலாந்துக் கொடி பச்சை குத்தப் பட்டிருப்பது அவர் தலையில் கட்டியிருக்கும் துணி விலகும் போது தெரியத்தான் செய்கிறது.  

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

இங்கிலாந்தின் உச்சநீதிமன்றத்தில் ஒரு முக்கிய வழக்கில் இந்த வாரம் தீர்ப்பு வழங்கப்பட்டது. மூளை சேதமடைந்து எந்த வித இயக்கமும் இல்லாமல் இருக்கும் ஒரு பெயர் வெளியிடப்படாத பெண்ணின் குடும்பம் அவரைக் காருண்ய கொலை செய்வதற்காக விண்ணப்பித்திருந்தது. அதற்கு “அந்தப் பெண், நோய்வாய்ப்பட்ட உடனேயே தனக்கு இப்படி ஒரு நிலை வந்தால் தன்னைக் கொன்று விடும் படி கேட்டிருந்தார்” என்று காரணமும் சொல்லியிருந்தார்கள். ஆனால் உச்சநீதிமன்றம் இதை நிராகரித்து விட்டது. இங்கிலாந்தில் இருக்கும் பல நோயாளிகளின் குடும்பங்கள் மற்றும் நீதித் துறை ஆய்வாளர்கள் எதிர்பார்த்து காத்திருந்த வழக்கு. வழக்கம் போல் ஆதரவாகவும் எதிராகவும் விமர்சணங்கள் வந்த வண்ணம் உள்ளது. பொறுத்திருந்து தான் பார்க்க வேண்டும்...

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::